Síijil

 

Pedro Uc Be
(Maya)

 

 

K’anchaja’an u yawatil, chuup, kóoch,

Beey u bin u jolik u beelo’.

Loobinta’an u yawatil

tumen u yaj óolil u tasa’al pulbil.

Li’isa’an u yawatil chúunbesajil,

Xi’ba’albaj u péek.

U yawat ko’olel síijsik yok’ol j xiib

Ku luk’ul ka’an, tia’al u yichint luuk’.

Tu ts’u’ le ch’ench’enkil yóok’olkaaba’

Beey pata’anil tumen u jajal dioosil taak’in.

Ko’oko’ niik yojel u pul yook tu k’áankabil.

 

 

 

 

Para citar este texto:

Uc Be, Pedro. “Síijil” en Revista Sinfín, no. 22, año 4, México, febrero 2017, 18p. ISSN: 2395-9428: http://www.revistasinfin.com/revista/

 

 

 

 

Haganos saber su opinión

Deje un comentario

Por favor realiza la siguiente operación: *